SAĞƏRİ QARABAĞİNİN DİVANI NƏŞR OLUNMUŞDUR

19.11.2006 [12:47]
Çap et
A⁺ A^-

AZƏRTAC Azərbaycan Milli Elmlər Akademiyasının Məhəmməd Füzuli adına Əlyazmalar İnstitutuna istinadla xəbər verir ki, Sağəri Qarabağinin lirik şerlər toplusu- “Divan”ı işıq üzü görmüşdür.

“Nurlan” nəşriyyatında nəşr edilmiş kitab XIX əsrdə Azərbaycanın Şuşa şəhərində yaşayıb-yaratmış, Füzuli ədəbi məktəbinin istedadlı davamçılarından biri Molla Zeynalabdin Sağəri Qarabağinin (1791-1854) bu institutda saxlanılan divanının əlyazması əsasında hazırlanmışdır Nəşrdə həm də şairin həyatı və yaradıcılığı haqqında təzkirə və cünglərdə əksini tapmış məlumatlar ilk dəfə bir yerə toplanmışdır. Həmin məlumatlar əsasında onun şəxsiyyəti, ailəsi, taleyi ilə bağlı məsələlərə aydınlıq gətirməyə cəhd göstərilmişdir.

Kitabı nəşrə hazırlayan, ön sözün, şərhlərin müəllifi, lüğətin tərtibçisi Əlyazmalar İnstitutunun əməkdaşı Gülər Əmirəhmədovadır.

Nəşrin redaktoru filologiya elmləri doktoru, professor Azadə Musayevadır.