Sağlamlıq imkanları məhdud uşaqlar oftalmoloji müayinə ediliblər
Bakı, 15 mart, AZƏRTAC
Beynəlxalq Qlaukoma həftəsi çərçivəsində akademik Z. Əliyeva adına Milli Oftalmologiya Mərkəzinin Səyyar Klinikası Xəzər rayonunun Mərdəkan qəsəbəsindəki 1 nömrəli sağlamlıq imkanları məhdud uşaqlar üçün sosial xidmət müəssisəsində humanitar aksiya keçirib.
AZƏRTAC xəbər verir ki, Səyyar Klinikanın həkim və tibb işçiləri aksiya zamanı müəssisədə 100-ə qədər uşağı müayinə ediblər. Müayinələr nəticəsində uşaqlar arasında ən çox konyuktivit, eləcə də refraksiya və digər görmə patologiyaları aşkar olunub. Onların bir qisminə ilkin tibbi yardım göstərilib.
Bölmənin digər xəbərləri
