Sahibkarlar üçün növbəti treninq keçirilib
Bakı, 17 mart, AZƏRTAC
İqtisadiyyat Nazirliyinin Bakı Biznes Tədris Mərkəzinin və Azərbaycanda İxracın və İnvestisiyaların Təşviqi Fondunun (AZPROMO) birgə təşkilatçılığı ilə Bakıda sahibkarlar üçün treninq keçirilib.
İqtisadiyyat Nazirliyinin mətbuat xidmətindən AZƏRTAC-a bildiriblər ki, "Azərbaycan Respublikasında ağır sənaye və maşınqayırmanın inkişafına dair Strateji Yol Xəritəsi"ndə sənaye müəssisələrində milli brendlərin yaradılmasının təşviqi üzrə müəyyənləşdirilmiş tədbirlərin icrasına həsr edilmiş treninqdə iştirakçılar biznesin təşkili və səmərəli idarəsi, brendləşmə, malların gömrük rəsmiləşdirilməsi və s. məsələlər barədə məlumatlandırılıb.
Treninqdə mövzular üzrə təqdimatlar keçirilib, iştirakçıları maraqlandıran suallar cavablandırılıb.
Bölmənin digər xəbərləri
