ŞAHVƏLƏD QOCAYEVIN ÇIXIŞI
Təhsil Şurasının Qazax rayon nümayəndəsi, 1 nömrəli Şıxlı kənd orta məktəbinin müəllimi ŞAHVƏLƏD QOCAYEV çıxışında vurğuladı ki, Azərbaycanda milli dövlətçiliyin qorunması və daha da inkişaf etdirilməsi Heydər Əliyevin gərgin, yorulmaq bilməyən fəaliyyətinin nəticəsidir. Məhz onun rəhbərliyi ilə ölkəmizdə genişmiqyaslı islahatlar həyata keçirilir, demokratik proseslər gedir, əhalinin sosial vəziyyətinin yaxşılaşdırılması istiqamətində əməli işlər görülür.
O, Heydər Əliyevin 1970-1980-ci illərdə təhsilə, məktəbə, müəllimə olan diqqət və qayğısından, son dövrdə milli təhsil sahəsində islahatların aparılmasından, təhsil işçilərinin sosial müdafiəsinin gücləndirilməsindən söhbət açdı və dedi ki, bütün bunları nəzərə alaraq, biz də “Yeni Azərbaycan Naminə” İctimai Hərəkata qoşulur və respublikamızda təhsilə böyük qayğı göstərən Prezidentimizi yenə də öz vəzifəsində görmək istəyi ilə oktyabrın 15-də hamılıqla ona səs verəcəyik.
Bölmənin digər xəbərləri
