SALYANDA KƏND TƏSƏRRÜFATI MƏHSULLARI ANBARI TİKİLİR
AZƏRTAC xəbər verir ki, Salyan rayonu ərazisində kənd təsərrüfatı məhsullarını ilboyu saxlamağa imkan verəcək anbarın tikintisi davam etdirilir. Artıq əsas korpusun binası hazırdır.
Beş min ton məhsul saxlamaq üçün nəzərdə tutulan anbarın 9 soyuducu kamerası olacaqdır. Kameraların avadanlığı qardaş Türkiyədən gətiriləcəkdir. Burada tikinti-quraşdırma işlərini də türkiyəli mütəxəssislər həyata keçirirlər.
Sentyabrın axırınadək istifadəyə veriləcək anbarın xidmətindən Salyanla yanaşı, qonşu Neftçala və Biləsuvar rayonlarının sahibkarları da yararlana biləcəklər.
Cari ilin sonunadək rayonda bu cür daha bir anbar binasının tikilməsi nəzərdə tutulur.
Bölmənin digər xəbərləri
