Şamaxı Astrofizika Rəsədxanası Gənc Alim və Mütəxəssislər Şurasının növbəti astroseminarı keçirilib
Bakı, 20 may, AZƏRTAC
Nəsirəddin Tusi adına Şamaxı Astrofizika Rəsədxanasının Gənc Alim və Mütəxəssislər Şurasının növbəti astroseminarı keçirilib.
Rəsədxanadan AZƏRTAC-a bildirilib ki, seminara rəhbərlik edən astronomiya üzrə fəlsəfə doktoru Günel Bahəddinova məruzənin mövzusu haqqında məlumat verib.
Şamaxı Astrofizika Rəsədxanasının “Ulduz atmosferləri fizikası və maqnetizm” fəlsəfə doktoru üzrə doktorantı Cənnət Səmədov “Günəş küləyinin müşahidə olunan strukturu” mövzusunda məruzə ilə çıxış edib. Məruzəçi Günəş küləyinin araşdırılma tarixi və ilkin nəzəriyyələr, onun mənşəyi, növləri, parametrləri və yerin maqnit sahəsinə təsiri barəsində ətraflı məlumat verib. Paralel olaraq Planetlərarası Maqnit Sahəsi, Heliosferik Cərəyan Təbəqəsi, Parker Spiralı kimi fenomenlərdən də danışıb.
Seminar iştirakçılarının böyük marağına səbəb olan məruzənin sonunda mövzu ətrafında geniş müzakirələr aparılıb, suallar cavablandırılıb.
Bölmənin digər xəbərləri
