Samuel Eto`O ənənəvi “Golden Foot” mükafatına layiq görülüb
Bakı, 22 sentyabr, AZƏRTAC
Türkiyənin “Antalyaspor” komandasının futbolçusu Samuel Eto`O ənənəvi “Golden Foot” mükafatına layiq görülüb.
AZƏRTAC xarici KİV-lərə istinadla xəbər verir ki, hücumçu futbol sahəsindəki nailiyyətlərinə görə bu mükafata sahib olub. İyirmi səkkiz və daha yuxarı yaşlı futbolçulara təqdim olunan mükafat ötən il “Barselona”nın yarımmüdafiəçisi Andres İnestaya verilib.
Qeyd edək ki, Samuel Eto`O karyerası ərzində “Leqanes”, “Real”, “Anji”, “Everton”, “Çelsi” və digər klublarda forma geyinib.
Bölmənin digər xəbərləri
