SAMUXDA ƏKİNÇİLİK SAHƏSİNDƏ TƏDBİRLƏR HƏYATA KEÇİRİLİR
Son zamanlar ölkə ərazisində havaların isti və quraq keçməsi bölgələrdə bir çox sahələrə qayğının artırılmasını tələb etmişdir. Bu baxımdan isti havada əkin sahələrinin vaxtında suvarılması ən vacib amillərdən biridir.
AZƏRTAC xəbər verir ki, Samux Suvarma Sistemləri İdarəsinin kollektivi bu işə məsuliyyətlə yanaşır, əkin sahələrinin aqrotexnik qaydada suvarılmasını təmin edir. Şəmkir kanalının bərpası əkin sahələrinin suvarılmasındakı problemləri aradan qaldırmışdır.
Rayonda 19 nasos stansiyasında, 600 kilometr su kanallarında təmir işləri aparılmışdır. Son bir ildə 13 subartezian quyusu qazılmış, onların sayı 456-ya çatdırılmışdır. Hazırda daha 6 quyu qazılır.
Suvarma problemlərinin həlli Samuxda məhsuldarlığı iki dəfə artırmağa imkan vermişdir.
Bölmənin digər xəbərləri
