SAN-FRANSİSKODA YENİ ZƏLZƏLƏ LABÜDDÜR
Tədqiqatlara görə, yaxın 30 ildə San-Fransiskoda yeni zəlzələnin baş verməsi labüddür. Onun gücü təxminən 6,7 bal, nəticələri isə 100 il əvvəlkindən dəfələrlə ağır ola bilər. Yeni zəlzələdən 5 mindən çox adamın həlak olacağı, 18 min nəfərin yaralanacağı, yarım milyon sakinin evsiz-eşiksiz qalacağı, yolların, su təchizatı sisteminin və mobil rabitə şəbəkəsinin sıradan çıxacağı təxmin edilir. Silisium vadisi 100 il əvvəl kənd rayonu olmuşdur, bu gün isə yüksək texnoloğiyalar mərkəzidir. Gələcək zəlzələ nəticəsində ona da xeyli ziyan dəyəcəkdir. İtkilər 60-300 milyard dollar təşkil edə bilər.
Proqnozlaşdırmaq üçün zəlzələnin üçölçülü modeli tikilmişdir. Alimlər seysmik vəziyyəti izləmək üçün sayğac və maqnitometrlərdən istifadə edirlər. Bu qurğular maqnit sahəsinin titrəyişlərini hesablayır. Alimlər diqqəti San-Fransiskodakı binaların seysmik davamlılığının qənaətbəxş olmadığına cəlb edirlər. Bir çox müasir binalar yeraltı təkanlara davam gətirməyə bilər.
Bölmənin digər xəbərləri
