“Sazz 4G” yeni texnologiyaya keçməyi planlaşdırır
Bakı, 21 yanvar, AZƏRTAC
“Sazz 4G” internet servis provayderi 1 giqabitədək sürətlə məlumatların ötürülməsi xidmətlərini göstərməyə imkan verən TDD LTE Advance (Pre5G) texnologiyasına keçməyi planlaşdırır.
Şirkətdən AZƏRTAC-a verilən məlumata görə, 2016-cı ilin sonunadək bu texnologiya bəzi Asiya ölkələrində kommersiya istifadəsinə veriləcək və həmin vaxtadək bu keçidi həyata keçirmək üçün investorlarla danışıqlar başa çatdırılacaq. Birinci fazada Abşeron yarımadası sıx əhatə ediləcək və istifadəçilərə bu şəbəkəyə qoşulmağa imkan verəcək qurğular təqdim olunacaq.
Qeyd edilib ki, “Sazz 4G” şəbəkəsı WiMAX texnologiyası əsasında qurulub. İndiki reallıqda isə bu texnologiya “kənd” texnologiyasına çevrilir, yəni ondan istifadə Bakı və iri şəhərlərdən kənarda getdikcə daha rasional olur. Bakıda internet trafikə tələbat xeyli artıb və WiMAX faktiki olaraq istifadəçilərin tələbatlarına cavab vermir.
Bölmənin digər xəbərləri
