Sədərək rayonunda taxıl biçininə hazırlıq işləri görülür
Sədərək, 9 iyun, AZƏRTAC
Muxtar respublikanın Sədərək rayonunda taxıl biçininə hazırlıq işləri həyata keçirilir. Cari ilin məhsulu üçün keçən ilin payızında 2261 hektar sahədə əkin aparılıb. Bunun 1617 hektarı buğda, 644 hektarı isə arpadır.
AZƏRTAC-ın Naxçıvan bürosu xəbər verir ki, maşın və kombaynlara texniki baxış keçirilib, onlar işlək vəziyyətə gətirilib. Biçin kampaniyasına 4 taxılbiçən kombaynın, 6 yükdaşıyan maşının, 7 küləş bağlayan aqreqatın cəlb edilməsi nəzərdə tutulub. Əkin sahələrinin yanğından mühafizəsi də diqqət mərkəzindədir. Hər il olduğu kimi, bu il də məhsulun itkisiz yığılmasına diqqət göstəriləcək.
Bölmənin digər xəbərləri
