ŞƏHİDLƏRİMİZİN ƏZİZ XATİRƏSİ İSPANİYA KRALLIĞINDA ANILMIŞDIR

19.01.2006 [15:15]
Çap et
A⁺ A^-

Azərbaycan Respublikasının İspaniya Krallığındakı səfirliyində 20 Yanvar faciəsinin 16-cı ildönümünə həsr olunmuş tədbir keçirilmişdir.

Səfirlikdən AZƏRTAC-a daxil olmuş məlumatda bildirilir ki, İspaniya ictimaiyyətinin, mətbuat nümayəndələrinin və Madriddə yaşayan soydaşlarımızın iştirak etdikləri tədbirdə çıxış edən səfir Məmməd Əliyev 20 Yanvarın Azərbaycanın azadlığı, müstəqilliyi uğrunda mübarizənin qəhrəmanlıq səhifələrindən olduğunu vurğulamış, Qanlı yanvar faciəsinin səbəblərindən danışmış və materiallar təqdim etmişdir.

Azərbaycanın İspaniyadakı Dostları Cəmiyyətinin üzvü, filoloq Calal Motlaq 20 Yanvarın Azərbaycan xalqının istiqlaliyyəti yolunda tarixi bir günə çevrildiyini bildirmişdir.

İspaniyanın mətbuat orqanlarına Qanlı yanvar faciəsinə dair materiallar və məlumatlar göndərilmişdir.