Səhiyyə Nazirliyinin doğuşayardım komissiyasının iclası keçirilmişdir
Bakı, 24 may (AZƏRTAC). Səhiyyə Nazirliyinin doğuşayardım komissiyasının iclası keçirilmişdir.
Nazirliyin mətbuat xidmətindən AZƏRTAC-a bildirmişlər ki, iclasda Sabirabad Perinatal Mərkəzində son aylarda baş vermiş ana ölümləri faktları geniş müzakirə olunmuşdur.
Müzakirələr zamanı Sabirabad Perinatal Mərkəzinin aidiyyatı şəxslərinin öz işlərində yol verdikləri bir sıra nöqsanlara dair komissiya üzvləri tərəfindən yekdil qərar qəbul edilmişdir.
Qərar əsasında komissiya Sabirabad Mərkəzi Rayon Xəstəxanasının rəhbərliyinə müraciət ünvanlamışdır. Müraciətdə qısa müddət ərzində Sabirabad Perinatal Mərkəzin direktoru V. Məmmədovun tutduğu vəzifəsindən azad edilməsinə dair müvafiq qərarın qəbul edilməsi və bu barədə Səhiyyə Nazirliyinə qısa vaxt ərzində məlumat verilməsi tövsiyə olunur.
Bölmənin digər xəbərləri
