Şəkidə baş vermiş yanğın zamanı ev sahibi ölmüşdür
Bakı, 31 oktyabr (AZƏRTAC). Oktyabrın 31-də səhər saatlarında Şəki şəhərində ümumi sahəsi 32 kvadratmetr olan ikiotaqlı evdə yanğın baş vermişdir.
Hadisə nəticəsində evin eyvanının döşəməsi yanmışdır.
Fövqəladə Hallar Nazirliyindən AZƏRTAC-a bildirmişlər ki, kəşfiyyat zamanı yanğınsöndürənlər tərəfindən ev sahibinin yanmış meyiti aşkar olunmuşdur.
Alov saat 7:50-də yanğınsöndürənlər tərəfindən söndürülmüş, evin qalan hissəsi yanğından mühafizə olunmuşdur.
Hadisə ilə əlaqədar müvafiq qurumlar tərəfindən təhqiqat aparılır.
Bölmənin digər xəbərləri
