Səkkiz il əvvəl itkin düşmüş Rusiya vətəndaşı Ekvadorda tapılıb
Moskva, 12 yanvar, AZƏRTAC
Səkkiz il əvvəl itkin düşmüş Rusiya vətəndaşı Ekvadorda tapılıb.
AZƏRTAC xəbər verir ki, Maksim Baxaryev Ekvadorun paytaxtı Kitoda aşkar edilib. Səkkiz il əvvəl Maksim Baxaryev Ekvadora gəldikdən bir müddət sonra pulsuz və sənədsiz qalaraq evsizlər siyahısına düşüb. Onun ruhi vəziyyətində problemlər olduğu bildirilir. Sosial xidmətlərin nümayəndələri Rusiya səfərliyinə məlumat verdikdən sonra Maksim Baxaryevin Sankt-Peterburqda yaşayan valideynləri ilə əlaqə saxlanılıb və onun vətənə qayıtması təmin edilib. M.Baxaryevi Sankt-Peterburqda valideynləri qarşılayıblar.
Səkkiz il əvvəl itkin düşmüş şəxsin Ekvadora gəlməsinin səbəbləri məlum deyil.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
