ŞƏMKİRDƏ UŞAQ-ƏYLƏNCƏ MƏRKƏZİ İSTİFADƏYƏ VERİLMİŞDİR
Şəmkir rayonunun mərkəzində, ümummilli liderimiz Heydər Əliyevin adını daşıyan prospektdə yeni uşaq-əyləncə mərkəzi istifadəyə verilmişdir. Mərkəz 1,5 hektara yaxın ərazini əhatə edir. Burada quraşdırılmış cürbəcür oyun köşkləri, yelləncək və karusellər mərkəzə gələn kiçik şəmkirlilərin könlünü oxşayır.
Rayon icra hakimiyyətindən AZƏRTAC-ın müxbirinə demişlər ki, yaxın günlərdə burada qapalı oyun otaqlarının tikintisinə başlanacaqdır.
