ŞƏMKİRLİLƏR GÜRCÜSTANDA DAHA BİR MƏKTƏBİN PROBLEMİNİ ARADAN QALDIRDILAR
Bu günlərdə Marneuli rayonunun Qızılhacılı kəndindəki İsgəndər Mursaqulov adına natamam orta məktəbin müəllim kollektivi Şəmkir Rayon İcra Hakimiyyətinin başçısı Aslan Aslanova bu təhsil ocağının təmirinə yardım göstərmək xahişi ilə müraciət etmişdi.
AZƏRTAC-ın müxbiri xəbər verir ki, şəmkirlilər nəinki məktəbin təmiri üçün maddi yardım ayırmış, həm də xeyli dərslik və tədris ləvazimatı gətirmişlər. Bu münasibətlə keçirilən yığıncaqda qonaqlar bildirmişlər ki, Baş nazir İlham Əliyev Gürcüstandakı Azərbaycan məktəblərinə hər cəhətdən yardım göstərilməsinə xüsusi diqqət yetirir. Onun tapşırığı ilə cari tədris ilində məktəblər dərsliklərlə təmin edilmişlər.
Bölmənin digər xəbərləri
