SƏNƏDLƏRİN İMZALANMASI
Azərbaycan Respublikası hökuməti ilə Rusiya Federasiyası hökuməti arasında ikitərəfli hərbi-texniki əməkdaşlığın gedişində istifadə olunan və əldə edilən əqli fəaliyyətin nəticələrinin qarşılıqlı hüquqi mühafizəsi haqqında sazişi Azərbaycanın müdafiə naziri Səfər Əbiyev və Rusiyanın ədliyyə naziri Vladimir Ustinov imzaladılar.
Azərbaycan Respublikası hökuməti ilə Rusiya Federasiyası hökuməti arasında Fiziki şəxslərin poçt baratlarının mübadiləsi sahəsində əməkdaşlıq haqqında sazişi Azərbaycanın rabitə və informasiya texnologiyaları naziri Əli Abbasov və Rusiyanın informasiya texnologiyaları və rabitə naziri Leonid Reyman imzaladılar.
Azərbaycan Respublikası və Rusiya Federasiyası arasında 2007-2009-cu illər üçün humanitar sahədə əməkdaşlıq proqramını Azərbaycan xarici işlər nazirinin müavini Xələf Xələfov və Rusiya xarici işlər nazirinin müavini Qriqori Karasin imzaladılar.
Azərbaycan Milli Bankı ilə Rusiya Mərkəzi Bankı arasında Kredit təşkilatlarının fəaliyyətinə bank nəzarəti haqqında sazişi Azərbaycan Milli Bankının sədri Elman Rüstəmov və Rusiya Mərkəzi Bankı sədrinin müavini Oleq Mojayskov imzaladılar.
Bölmənin digər xəbərləri
