“ŞƏRQİ AZƏRİ” PLATFORMASINDAN ÇIXARILAN İLK NEFT SƏNGƏÇAL TERMİNALINA ÇATMIŞDIR
Bu mühüm hadisədə 10 mindən çox insanın əməyi olmuşdur.
“Şərqi Azəri” (ŞA) hazırda əvvəlcədən qazılmış quyuların ikisindən neft hasil edir və gündəlik hasilat 70 min barrelədək artmışdır. İndi “Azəri-Günəşli-Çıraq” (AGÇ) yatağından gündə 600 min barrel neft hasil olunur. Bu, AGÇ-dən əvvəlcədən planlaşdırılan gündəlik 500 min barrel hasilat göstəricisindən artıqdır.
“Şərqi Azəri” layihəsi üzrə öncədən qazılmış qalan beş quyu 2007-ci ilin ortalarınadək istismara verildikcə hasilat da artacaq, sonra isə platformadan yeni qazma işlərinə başlanacaqdır. Ən yüksək davamlı hasilat dövründə bu obyektdə gündə 260 min barrel neft hasil edilərək, “Qərbi və Mərkəzi Azəri” də daxil olmaqla, “Azəri” yatağının ümumi hasilatını gündə 800 min barrelə çatdıracaqdır.
Bölmənin digər xəbərləri
