ŞƏRURLULAR ÖTƏN İLİ UĞURLA BAŞA VURMUŞLAR

15.01.2006 [19:52]
Çap et
A⁺ A^-

Şərur Rayon İcra Hakimiyyətində keçirilən müşavirədə 2005-ci ilin yekunları və 2006-ci ildə qarşıda duran vəzifələr müzakirə edilmişdir. Əvvəlcə, ümummilli liderimiz Heydər Əliyevin xatirəsi ehtiramla anılmışdır.

Rayon icra hakimiyyətinin baçısı Rafael Rəsulovun hesabat məruzəsində qeyd olunmuşdur ki, ötən il rayonda 19 milyard 890 milyon manatlıq tikinti-quraşdırma, təmir, abadlıq işləri görülmüşdür. Bu, əvvəlki illə müqayisədə 6 milyard 591 milyon manat çoxdur. Rayonun Qarahəsənli, Həmzəli, Gümüşlü və Yuxarı Yaycı kəndlərində 802 yerlik 4 məktəb binası, Şərur qəsəbəsində rayon maliyyə, vergilər şöbələri, qaz istismarı idarəsi, dövlət arxivi, “Şərurun səsi” qəzeti redaksiyası üçün inzibati binalar, 25 qaçqın və məcburi köçkün ailəsi üçün yeni mənzillər tikilib istifadəyə verilmiş, rayon mərkəzində 165 mənzilli 10 yaşayış binası təbii qazla təmin olunmuşdur.

Tədbirdə uğurlarla yanaşı, nöqsanlar da ətraflı təhlil edilmişdir.

Məruzədə göstərilən nöqsanların tezliklə aradan qaldırılması üçün konkret təkliflər verilmişdir.