Səudiyyə Ərəbistanı Müdafiə nazirinin müavini ABŞ-da ikitərəfli əlaqələrə dair müzakirələr aparacaq
Ər-Riyad, 28 avqust, AZƏRTAC
Səudiyyə Ərəbistanı Krallığının Müdafiə nazirinin müavini Xalid bin Salman bin Əbdül Əzizin başçılıq etdiyi nümayəndə heyəti ABŞ-a səfər edib.
AZƏRTAC Səudiyyə Ərəbistanı Dövlət İnformasiya Agentliyinə (SPA) istinadla xəbər verir ki, ABŞ-a səfər çərçivəsində nazir müavini ikitərəfli əlaqələr, regionda təhlükəsizliyin və sabitliyin qorunub saxlanmasına kömək edən qarşılıqlı maraq doğuran məsələlər barədə müzakirələrin aparılması üçün Birləşmiş Ştatların bir sıra rəsmi şəxsləri ilə görüşəcək.
Asya Hacızadə
AZƏRTAC-ın xüsusi müxbiri
Ər-Riyad
Bölmənin digər xəbərləri
