“Silinən tarix” fotomüsabiqəsi davam edir
Bakı, 30 oktyabr (AZƏRTAC). Azərbaycan Respublikasının Prezidenti yanında Gənclər Fondu tərəfindən həyata keçirilən “Silinən tarix” fotomüsabiqəsi davam edir.
AZƏRTAC xəbər verir ki, sentyabrda başlayan layihə regionlarda mövcud olan unudulmuş, baxımsız qalan və məhv olmaq təhlükəsi altındakı tarixi abidələrimizi qorumağa yönəlmişdir. Layihə çərçivəsində gənclər həm tariximizin müxtəlif dövrlərini öyrənəcək, həm də o dövrün abidələrini, onların yerləşdiyi coğrafi əraziləri yaxından tanıyacaqlar.
Layihə başa çatandan sonra gənc fotoqraflar tərəfindən təqdim edilmiş fotoşəkillər kataloq şəklində çap olunaraq paylanacaqdır. Layihənin icra müddəti 3 aydır. Layihədə iştirak etmək istəyənlər müraciət üçün anket formalarını [email protected] ünvanına göndərə bilərlər. İştirak üçün müraciət forması “Silinən tarix” Facebook səhifəsində yerləşdirilmişdir.
Bölmənin digər xəbərləri
