“ŞİMAL-QƏRB KƏND İNKİŞAF LAYİHƏSİ” HAZIRLANMIŞDIR
AZƏRTAC xəbər verir ki, Azərbaycan hökuməti ilə Kənd Təsərrüfatının İnkişafı üzrə Beynəlxalq Fond (İFAD) arasında imzalanmış sazişə uyğun olaraq, “Şimal-Qərb kənd inkişaf layihəsi” hazırlanmışdır.
Ağstafa, Qazax, Tovuz, Şəmkir rayonlarını əhatə edəcək bu layihənin məqsədi yaşayış səviyyəsi torpaq sahələrinin suvarılmasından asılı olan 30 min ailənin gəlir əldə etmək imkanlarını genişləndirmək, maddi rifahını yaxşılaşdırmaqdır. Adları çəkilən rayonlarda suvarma sistemləri, kanallar, drenaj şəbəkəsi bərpa ediləcək, torpaqların əkin suyu ilə təminatı yaxşılaşdırılacaqdır.
Layihənin bir sıra komponentlərinə uyğun olaraq torpaq mülkiyyətçilərinə kreditlərin verilməsi, onların kənd təsərrüfatı texnikası, toxum və gübrələrlə təmin edilməsi, istehsal olunan məhsulların marketinqi və s. xidmətlər nəzərdə tutulur.
Layihə ilə bağlı müvafiq təşkilati işlərə artıq başlanılmışdır. İlin sonunadək “Şimal-Qərb kənd inkişaf layihəsi”nin bütün komponentləri reallaşdırılacaqdır. Layihə qarşıdakı beş ildə həyata keçiriləcəkdir.
Bölmənin digər xəbərləri
