Sindi Hayd-Smitin andiçməsi ABŞ Konqresinin tarixində mühüm hadisə olub
Vaşinqton, 10 aprel, AZƏRTAC
ABŞ Konqresinin Respublikaçılar Partiyasından olan yeni üzvü Sindi Hayd-Smit Missisipi ştatından ilk qadın senator qismində and içib. Hayd-Smit ABŞ Konqresinin yuxarı palatasında 23-cü qadın senatordur. Bu, həm də Senatda xidmət edən qadınların rekord sayıdır.
AZƏRTAC xəbər verir ki, Missisipi ştatının kənd təsərrüfatı və ticarət üzrə komitəsinin başçısı olmuş Hayd-Smit aprelin 1-dən səhhətindəki problemlə bağlı istefa verən sabiq senator Tad Kokranın vəzifəsinə təyin edilib.
S.Hayd-Smit Missisipi ştatından ABŞ Konqresində olan ilk qanunverici qadındır. Onun senator vəzifəsinə tarixi daxil olması, həmçinin Senatda digər tarixi hadisə ilə müşayiət olunub. Belə ki, bazar ertəsi İllinoys ştatının təmsilçisi, Demokratlar Partiyasının üzvü Temmi Dakuort Konqresin yuxarı palatasında hazırda vəzifədə çalışan və dünyaya uşaq gətirmiş ilk qadın senator oldu.
Yusif Babanlı
AZƏRTAC-ın xüsusi müxbiri
Vaşinqton
Bölmənin digər xəbərləri
