Şinzo Abe: “Aegis Ashore” sistemi mümkün hücum məqsədi daşımır
Tokio, 8 iyun, AZƏRTAC
Yaponiyanın Baş Naziri Şinzo Abe bəyan edib ki, ölkə ərazisində yerləşdiriləcək yeni “Aegis Ashore” sisteminin əsas vəzifəsi mümkün raket hücumunun qarşısını almaqdır və hücum üçün nəzərdə tutulmadığına görə bu sistem ətraf ölkələrə təhlükə yaratmır.
AZƏRTAC xəbər verir ki, Baş Nazir bu barədə parlamentin yuxarı palatasında çıxışı zamanı bildirib.
Ş.Abe Müdafiə Nazirliyinin planlaşdırılan tikinti işlərinin qeyri-dəqiq topoqrafik məlumatlarına görə Yaponiyanın şərqində yerləşən Akita prefekturasının yerli yığıncaqları qarşısında üzr istəməsini şərh edərkən deyib.
Nazirlik həmin məlumatlardan istifadə edərək özünümüdafiə qüvvələrinin quru qoşunlarının Akita şəhərindəki Araya təlim ərazisinin sistemin yerləşdirilməsi üçün yeganə ən münasib yer olduğunu göstərmək istəyib.
Baş Nazir bəyan edib ki, yerli sakinlərin həmin planla əlaqədar nümayiş etdirdiyi narahatlığa çox ciddi yanaşır. Ş.Abe bu sistemin sakinlərin müdafiəsi və Yaponiyanın ballistik raketlər vasitəsilə hücumdan qorunması üçün həyati əhəmiyyətə malik olduğunu qeyd edib və onun yalnız müdafiə məqsədi daşıdığını vurğulayıb.
Baş Nazir əlavə edib ki, yeni sistem Rusiya da daxil olmaqla ətraf ölkələr üçün heç bir təhlükə daşımır.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
