Siqaret hər il Laosda 6700 nəfərin ölümünə səbəb olur
Bakı, 20 may, AZƏRTAC
Laos Səhiyyə Nazirliyinin məlumatına görə, siqaretlə bağlı xəstəliklər hər il Laosda 6700 nəfərin ölümünə səbəb olur.
AZƏRTAC Sinxua agentliyinə istinadla xəbər verir ki, Laosda hər gün təxminən 18 nəfər siqaretlə əlaqəli xəstəliklərdən ölür, bu da ildə 6700 nəfərə bərabərdir. Siqaretdən ölüm nisbəti Laosda qeydə alınan bütün ölümlərin 15 faizini təşkil edir.
Bildirilib ki, tütün vergilərinin artırılması, onun reklamının bütün növlərinə qadağa qoyulması, ictimai yerlərdə siqaret istifadəsinin məhdudlaşdırılması, tütünçəkmənin zərərləri ilə bağlı ictimaiyyətin maarifləndirilməsi kimi effektiv mübarizə tədbirləri görülərsə, siqaretlə bağlı ölüm hallarının qarşısı alına bilər.
Bölmənin digər xəbərləri
