SİQARETÇƏKMƏ İLƏ QƏTİYYƏTLƏ MÜBARİZƏ APARAN ŞƏXS AĞCİYƏR XƏRÇƏNGİ İLƏ XƏSTƏLƏNMİŞDİR
73 yaşlı Karr bir vaxtlar gündə 100 siqaret çəkirdi, lakin 23 il əvvəl bu zərərli vərdişin daşını atmağa müvəffəq olmuşdur. Bundan sonra siqaretçəkmə ilə mübarizə onun biznesinin əsasını təşkil etmişdir – Karr müxtəlif ölkələrdə bir sıra ixtisaslaşdırılmış klinikalar açmış və bu mövzuya dair bir neçə dəyərli kitab yazmışdır. 1983-cü ildə onun 30 ölkədə açdığı 70 klinikada təkcə 2005-ci ildə 45 min adam müalicə kursu keçmişdir. Getdikcə genişlənən və çiçəklənən biznes onu milyonçu etmişdir.
Karrın mətbuat katibinin sözlərinə görə, Allenin ağciyərində xərçəngin onun əvvəllər gündə 100 siqaret çəkməsi ilə bağlı olduğunu söyləmək çətindir. O demişdir ki, Karrın xəstəliyinə passiv siqaretçəkmə səbəb ola bilər, çünki o, xəstələrin müalicəsi ilə məşğul olarkən tütün tüstüsündən göz-gözü görmədiyi binalara tez-tez gedirdi.
Karrın özü əmindir ki, öz vərdişini tərgitməsəydi, xərçəng onu 20 il əvvəl yaxalayardı. O inanır ki, xəstəliyi siqareti tərgitməyin xeyrinə daha bir dəlil olacaqdır.
Bölmənin digər xəbərləri
