Siyəzəndə qəzada xəsarət alanlardan 8 nəfər ambulator müalicə üçün evə buraxılıb
Bakı, 19 oktyabr, AZƏRTAC
Siyəzən rayonunun Zarat kəndi ərazisində mikroavtobusun aşması ilə əlaqədar Siyəzən Müalicə Diaqnostika Mərkəzinin Təcili tibbi yardım briqadaları hadisə yerinə cəlb edilib.
TƏBİB-dən AZƏRTAC-a bildirilib ki, hadisə nəticəsində xəsarət alan 10 nəfər (hər biri qadın olmaqla) saat 08:40 radələrində tibb müəssisəsinin Təcili tibbi yardım bölməsinə yerləşdirilib. Onların hər biri zəruri müayinələrdən keçirilib.
Pasiyentlərdən 8-nin vəziyyəti qənaətbəxş olduğundan ambulator müalicə üçün evə buraxılıb.
Digər xəstələrin müalicəsinə tibb müəssisəsinin Cərrahiyyə şöbəsində davam edilir.
Xatırladaq ki, Siyəzən rayonunun Zarat kəndi ərazisində mikroavtobus aşıb. Qəza nəticəsində 10 nəfər müxtəlif dərəcəli bədən xəsarətləri alıb. Yaralılar Siyəzən Regional Diaqnostika Mərkəzinə yerləşdiriliblər.
Bölmənin digər xəbərləri
