SKOTLAND-YARDIN FİKRİNCƏ, LİTVİNENKO ÖZÜNÜ ZƏHƏRLƏMİŞDİR
Skotland-yard bir çox başqa versiyalarla yanaşı, araşdırdığı bu variantı bundan əvvəl etik mülahizələrə görə açıqlamamışdı. Qəzet yazır ki, Litvinenko hələ sağ idi və öz həyatı uğrunda mübarizə aparırdı. Lakin Litvinenkonun polonium-210 kimi çətin tapılan maddəni xeyli miqdarda necə ələ keçirdiyini və zəhərləmənin səbəbləri haqqında həkimlərə nə üçün məlumat vermədiyini izah etmir.
Qəzet Kremlin Litvinenkonun qətlində iştirakına şübhə ilə yanaşır. Rəyi soruşulan Mİ5 və Mİ6 xidmətləri ekspertlərinin fikrincə, qaçqın zabit Rusiya xüsusi xidmət orqanlarının diqqətini cəlb edəcək qədər “böyük adam” deyildi. Buna baxmayaraq, bu variant da araşdırılır. Digər versiyalar arasında Dövlət Təhlükəsizliyi Komitəsinin nüfuzunu ləkələdiyi üçün onun sabiq əməkdaşlarının intiqamı və Litvinenkonun Politkovskayanın qətlini araşdırmasından narahat olan Çeçenistanın hakimiyyət orqanlarının zabitin qətlində iştirakı da vardır.
Bölmənin digər xəbərləri
