SOCAR-ın Gürcüstandakı daha bir yanacaqdoldurma məntəqəsində günəş enerjisindən istifadəyə başlanılıb
Tbilisi, 29 oktyabr, AZƏRTAC
Azərbaycan Respublikası Dövlət Neft Şirkətinin (SOCAR) Gürcüstandakı daha bir yanacaqdoldurma məntəqəsində (YDM) günəş enerjisindən istifadəyə başlanılıb.
AZƏRTAC xəbər verir ki, bu barədə “SOCAR Georgia Petroleum” şirkəti məlumat yayıb.
Bildirilib ki, Tbilisi dənizi yaxınlığında yerləşən YDM üzərində Almaniyanın “Sonneschmied” şirkəti 200 kvadratmetr ölçüdə günəş panelləri quraşdırıb.
Şirkət gələcəkdə günəş batareyaları vasitəsilə elektrik avtomobillərinin sürətlə yüklənəcəyi mərkəzlərin yaradılmasını planlaşdırır.
Qeyd edək ki, bundan öncə günəş panelləri SOCAR-ın Tbilisidəki Aqmaşenebeli alleyasındakı YDM-də quraşdırılıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
