SOFİYA UNİVERSİTETİNİN REKTORU İLƏ GÖRÜŞ
BSU-nun rektoru, professor Kamal Abdullayev universitetin kollektivi adından qonaqları salamlayaraq, BSU-nun fəaliyyəti və strukturu, beynəlxalq əlaqələri barədə məlumat verdi.
Bayan Yolçiyev 115 yaşlı Sofiya Universitetinin tarixindən və fəaliyyətindən ətraflı söhbət açdı, BSU ilə əlaqələri genişləndirmək arzusunu bildirdi.
- O, BSU-da bolqar filologiyası şöbəsinin olmasından məmnunluğunu söyləyərək dedi ki, universitetimizin Şərq dilləri və mədəniyyətləri mərkəzində 10-dan çox dil öyrənilir, lakın onların arasında hələlik Azərbaycan dili yoxdur. Səfirimizin məqsədi də bu məsələni həll etməkdir. Yaxın vaxtlarda universitetimizdə Azərbaycan filologiyası öyrəniləcəkdir və biz BSU ilə əməkdaşlığa ümid bəsləyirik.
Qonaqlar görüş iştirakçılarının çoxsaylı suallarına da cavab verdilər.
Sonda K.Abdullayev dedi ki, BSU-da Bolqar Mədəniyyəti Mərkəzinin və Sofiya Universitetində Azərbaycan Mədəniyyəti Mərkəzinin açılması haqqında razılaşma əldə edilmişdir və ali məktəblərimiz arasındakı əlıaqələr Azərbaycan-Bolqarıstan münasibətlərinin inkişafına böyük töhfə verəcəkdir.
BSU-nun rektoru K.Abdullayev və Sofiya Universitetinin rektoru B.Yolçiyev bir-birinə xatirə hədiyyələri təqdim etdilər.
Görüşdə Bolqarıstanın ölkəmizdəki müvəqqəti işlər vəkili İvan Palçev iştirak edirdi.
Bölmənin digər xəbərləri
