MƏDƏNİYYƏT
SOYDAŞIMIZ ALMATI TEATRININ BAŞ REJİSSORUDUR
Azərbaycanın və Özbəkistanın xalq artisti, Dövlət mükafatı laureatı Firudin Səfərov Abay adına Almatı Dövlət Opera və Balet Teatrının baş rejissoru təyin edilmişdir. F.Səfərov bir ilə yaxındır ki, bu teatrda müqavilə ilə fəaliyyət göstərirdi. O, əvvəlki iş yerindən - Ə.Nəvai adına Daşkənd Opera və Balet Teatrından da ayrılmayacaq. Tanınmış rejissor bu teatrda işlədiyi 25 il ərzində 50-yə yaxın əsər tamaşaya qoymuşdur. O həm də M.Əşrəfi adına Özbəkistan Dövlət Konservatoriyasının professoru kimi gənc opera rejissorlarına bu sənətin sirrlərini öyrədir.
F.Səfərov AZƏRTAC-ın müxbiri ilə söhbətində demişdir: - Fevral ayında Almatı teatrında P.İ.Çaykovskinin “Qaratoxmaq qadın” operasının təqdimatı oldu. Şəhərin musiqi ictimaiyyəti, həmçinin sənətsevərlər bu tamaşanı yüksək qiymətləndirdilər. Daha iki əsərin son məşqləri gedir. Əminəm ki, bu operaları da tamaşaçılar yaxşı qarşılayacaqlar.
Qulu Kəngərli
AZƏRTAC-ın xüsusi müxbiri
Almatı