Soydaşlarımız Pyatiqorskda 55 ailəyə yardım edib
Bakı, 13 aprel, AZƏRTAC
Rusiyanın Stavropol vilayətində fəaliyyət göstərən Azərbaycan Milli-Mədəni Muxtariyyətinin "Araz" ictimai təşkilatı (“Araz” AMMM) COVID-19 qlobal pandemiyasına qarşı mübarizə çərçivəsində Pyatiqorsk şəhərində xeyriyyə aksiyası həyata keçirib.
Diasporla İş üzrə Dövlət Komitəsindən AZƏRTAC-a bildirilib ki, xeyriyyə aksiyası çərçivəsində Pyatiqorsk şəhər administrasiyasının müəyyənləşdirdiyi siyahıya əsasən, çətin duruma düşmüş 55 ailəyə "Araz" ictimai təşkilatı tərəfindən ərzaq yardımı göstərilib. Yardım edilənlər aztəminatlı və çoxuşaqlı ailələr, eləcə də tənha yaşayan təqaüdçülər olub. Azərbaycanlı icmasının hər bir ailəyə təqdim etdiyi ərzaq paketinə müxtəlif zəruri məhsullar daxil edilib.
Pyatiqorskdakı "Araz" AMMM-nin sədri Təhmasib Zeynalov bildirib ki, azərbaycanlı icması təkcə aztəminatlı yerli sakinlərə deyil, həm də onlara başqa bölgələrdən müraciət edən həmvətənlərimizə də yardım etməyə çalışır.
Bölmənin digər xəbərləri
