SİYASƏT
“SOYQIRIMLAR – TARİXİMİZİN QANLI SƏHİFƏLƏRİ”
Mirzə Fətəli Axundov adına Azərbaycan Dövlət Kitabxanasında 31 mart- azərbaycanlıların soyqırımı gününə həsr edilmiş “Soyqırımlar - tariximizin qanlı səhifələri” adlı kitab sərgisi keçirilmişdir.
Tədbiri kitabxananın direktoru Leyla Qafurova giriş sözü ilə açdı.
Mədəniyyət naziri Polad Bülbüloğlu çıxış edərək Respublikamızın Prezidenti Heydər Əliyevin “Azərbaycanlıların soyqırımı haqqında” fərmanını tarixi bir sənəd kimi dəyərləndirdi. Sonra nazir ermənilərin xalqımıza qarşı apardığı bədnam siyasət nəticəsində baş vermiş dəhşətli faciələrdən, kütləvi qətillərdən, deportasiyalardan bəhs etdi və yaradıcı ziyalıları bu mövzuda yeni əsərlər yaratmağa, sənədli filmlər çəkməyə çağırdı. Sərgidə erməni daşnaqlarının vəhşiliklərindən, soydaşlarımızın başına gətirdikləri müsibətlərdən bəhs edən 100-dən çox kitab nümayiş etdirildi.