SOYUDUCU ANBAR KOMPLEKSİNİN TİKİNTİSİ DAVAM ETDİRİLİR
Saatlı, 27 mart (AZƏRTAC). Xəbər verdiyimiz kimi, 2009-cu ilin sentyabrında Saatlı rayonunun Gomuşlu kəndində iş adamının şəxsi vəsaiti və İqtisadi İnkişaf Nazirliyinin Sahibkarlığa Kömək Milli Fondunun krediti hesabına 2 min ton tutumu olan soyuducu anbar kompleksinin tikintisinə başlanmışdır.
İndiyədək burada layihədə nəzərdə tutulmuş işlərin 40 faizdən çoxu yerinə yetirilmişdir. Hazırda anbar kompleksin inşasında 30 nəfər çalışır. Kompleksin əsas avadanlığının Türkiyədən alınması planlaşdırılır.
Cari ilin axırınadək istifadəyə veriləcək soyuducu anbarda bir sıra kənd təsərrüfatı məhsullarının ilboyu təzə-tər saxlanması üçün hər cür şərait yaradılacaqdır.
Bölmənin digər xəbərləri
