“Standard Insurance Sığorta Şirkəti”nin daşınmaz əmlakının satışı ilə bağlı növbəti hərrac keçiriləcək
Bakı, 12 avqust, AZƏRTAC
Ləğv prosesində olan ASC “Standard Insurance Sığorta Şirkəti”nin Ləğvetmə Komissiyası tərəfindən şirkətə məxsus rekonstruksiya işlərindən sonra birləşdirilmiş 4 mənzil satışa çıxarılacaq.
ASC “Standard Insurance”ın Ləğvetmə Komissiyasından AZƏRTAC-a bildirilib ki, hərrac “Əmlak Hərrac Mərkəzi” MMC tərəfindən avqustun 24-də saat 11:00-da Bakı şəhəri, Yasamal rayonu M.Rahim, 4A ünvanında keçiriləcək. Hərraca çıxarılan predmetin satış qiyməti 1 milyon 750 min manatdır. Hərracda iştirak üçün ilkin satış qiymətinin 1 faizi, yəni 17 min 500 manat məbləğində beh ödənilməlidir.
Hərracla bağlı daha ətraflı məlumatları isə https://e-herrac.com/advertisement/dasinmaz-emlak/legv-prosesinde-olan-standard-insurance-mexsus-emlakllarin-herraci-baresinde linkindən əldə etmək mümkündür.
Ləğvetmə komissiyası, həmçinin bildirir ki, şirkətin digər əmlaklarının qanunvericiliyə və təsdiq edilmiş hərrac qaydalarına əsasən açıq hərrac yolu ilə satışının təşkili davam edəcək və bu barədə ictimaiyyətə əvvəlcədən məlumat veriləcək.
Bölmənin digər xəbərləri
