Stefani Qrişam Ağ evin mətbuat katibi təyin edilib
Vaşinqton, 26 iyun, AZƏRTAC
Amerika Birləşmiş Ştatlarının Prezidenti Donald Tramp Ağ evin mətbuat xidməti postuna Stefani Qrişamın təyinatını təsdiqləyib.
AZƏRTAC xəbər verir ki, bu barədə “Twitter” vasitəsilə birinci xanım Melani Tramp bildirib. O deyib: “Mən şadam ki, Stefani Qrişamın Ağ evin yeni mətbuat katibi və kommunikasiyalar üzrə direktoru təyin edilməsi xəbərini çatdırıram. O, 2015-ci ildən bizimlədir. Mən ABŞ Prezidenti ilə birgə Administrasiyaya və bizim ölkəmizə xidmət edəcək daha münasib adam təsəvvür edə bilmirik”.
Yeni mətbuat katibi səlahiyyətlərinin icrasına iyulun 1-dən başlayacaq.
S.Qrişam Şon Spayser və Sara Sandersdən sonra Prezident Trampın üçüncü mətbuat katibi olacaq. Ötən həftə Sanders ayın sonunda vəzifəsindən gedəcəyini bildirmişdi.
Yusif Babanlı
AZƏRTAC-ın xüsusi müxbiri
Vaşinqton
Bölmənin digər xəbərləri
