Yaxın Şərqdə artan gərginlik fonunda neft kəskin bahalaşıb
Bakı, 8 iyun, AZƏRTAC
İran və İsrail arasında baş verən raket hücumları fonunda neft qiymətləri yenidən yüksəlib.
AZƏRTAC xəbər verir ki, Londonun ICE birjasının məlumatlarına görə, hazırda “brent” markalı neftin avqust fyuçerslərinin qiyməti 4,5 faiz artaraq bir barel üçün 97 dolları ötüb, WTI markalı neftin iyul fyuçerslərinin qiyməti isə 94,70 dollara çatıb.
Xatırladaq ki, iyunun 7-də axşam saatlarında İran Beyruta hücumlara cavab olaraq İsrailə raket zərbələri endirib. İsrail isə İran ərazisindəki hərbi infrastruktur obyektlərinə bir sıra hücumlar həyata keçirib. Qarşılıqlı hücumlar yaxın gələcəkdə atəşkəs ehtimalını azaldır ki, bu da neft tədarükünə təhdid yaradır.
Bölmənin digər xəbərləri
