Azərbaycanda qızıl və gümüş istehsalının həcmi açıqlanıb – QRAFİK
Bakı, 21 sentyabr, AZƏRTAC
Bu ilin yanvar-avqust aylarında qızıl istehsalı illik müqayisədə 7,9 faiz azalaraq 1 ton 946,3 kiloqram təşkil edib.
AZƏRTAC Dövlət Statistika Komitəsinin yaydığı məlumata istinadla xəbər verir ki, sentyabrın 1-i vəziyyətinə sənaye müəssisələrinin anbarlarında qızıl üzrə hazır məhsul ehtiyatı ötən ilin eyni dövrü ilə müqayisədə 2,1 dəfə artaraq 236,1 kiloqram olub.
Hesabat dövrü ərzində gümüş istehsalı ötən ilin analoji dövrü ilə müqayisədə 9,3 faiz azalaraq 2492 kiloqram təşkil edib.
Sentyabrın 1-i vəziyyətinə sənaye müəssisələrinin anbarlarında gümüş üzrə hazır məhsul ehtiyatı ötən ilin müvafiq dövrü ilə müqayisədə 22,8 faiz artaraq 708,5 kiloqram qeydə alınıb.
Bölmənin digər xəbərləri
