Azərbaycanın şahmat yığmaları Olimpiadada növbəti görüşlərinə çıxırlar
Bakı, 21 sentyabr, AZƏRTAC
Səmərqənddə keçirilən 46-cı Ümumdünya Şahmat Olimpiadasında bu gün VI turun oyunları keçiriləcək.
AZƏRTAC xəbər verir ki, kişilərdən ibarət Azərbaycan millisi Argentina ilə qarşılaşacaq. Komandanın heyətində Şəhriyar Məmmədyarov, Rauf Məmmədov, Aydın Süleymanlı, Məhəmməd Muradlı və Eltac Səfərli yer alıblar.
Qadınlardan ibarət Azərbaycan yığması isə Qazaxıstanla üz-üzə gələcək. Millinin heyətində Ülviyyə Fətəliyeva, Günay Məmmədzadə, Gövhər Beydullayeva, Xanım Balacayeva və Gülnar Məmmədova mübarizə aparırlar.
Kişilərin yığması 8 xalla turnir cədvəlinin 11-ci pilləsində qərarlaşıb. Qadınlardan ibarət komanda isə 10 xalla 4-cü sıradadır.
Qeyd edək ki, İsveçrə sistemi üzrə keçirilən Ümumdünya Şahmat Olimpiadası 11 turdan ibarətdir və sentyabrın 27-də başa çatacaq. Olimpiadada 208 komandanın heyətində 1032 şahmatçı iştirak edir.
Bölmənin digər xəbərləri
