Türkiyə 10 ildə Günəş və küləkdən 442,2 teravat-saat elektrik enerjisi istehsal edib
İstanbul, 21 sentyabr, AZƏRTAC
Türkiyə 2015-2025-ci illərdə Günəş və külək enerjisindən ümumilikdə 442,2 teravat-saat elektrik istehsal edib.
AZƏRTAC xəbər verir ki, bu barədə Türkiyənin Energetika və Təbii Sərvətlər Nazirliyi məlumat yayıb.
Məlumata əsasən, bu istehsal hesabına 21,5 milyard dollar dəyərində kömür idxalının və təxminən 354 milyon ton karbon qazı emissiyasının yaranmasının qarşısı alınıb.
Ölkənin energetika və təbii sərvətlər naziri Alparslan Bayraktar bildirib ki, Türkiyə 2053-cü ilədək xalis sıfır emissiya və enerji sahəsində tam müstəqillik hədəfləri istiqamətində bərpaolunan enerji mənbələrindən istifadəsini artırır.
Onun sözlərinə görə, Türkiyə bərpaolunan enerji üzrə Avropada 5-ci, dünyada isə 11-ci yerdədir. 2035-ci ilədək ölkədə bərpaolunan enerji üzrə quraşdırılmış gücün 120 min meqavata çatdırılması hədəflənir.
Bölmənin digər xəbərləri
