SUMQAYIT BƏLƏDİYYƏSİNİN NÜMAYƏNDƏ HEYƏTİ ÇİNDƏDİR
Ötən ilin avqustunda bu iki şəhərin bələdiyyələri arasında tərəfdaşlıq haqqında saziş imzalanmış və həmin saziş çərçivəsində də nümayəndə heyətləri mübadiləsi olmuşdur.
Sumqayıt bələdiyyəsinin sədri, nümayəndə heyətinin rəhbəri Zakir Fərəcov AZƏRTAC-ın müxbirinə bildirmişdir ki, sumqayıtlılar 7 gün ərzində Syantszin şəhərinin rəhbərləri ilə, sahibkarlarla görüşəcək, müəssisələrə gedəcək, qabaqcıl şirkətlərlə tanış olacaqlar. Əldə edilmiş razılaşmalar çərçivəsində Sumqayıtda qənnadı məmulatı sexi fəaliyyət göstərir və burada 20 nəfər çalışır. Müəssisədə quraşdırılmış müasir avadanlıq Çindən gətirilmişdir. İlin axırlarında istehsal genişləndirildikdən sonra burada 80-ə yaxın sumqayıtlı işləyəcəkdir. Elektrik kabeli zavodunun tikintisi üçün də hazırlıq işləri görülür.
Bölmənin digər xəbərləri
