SUMQAYIT ŞƏHƏR TƏHSİL ŞÖBƏSİNİN MÜDİRİ VİDADİ BAĞİROVUN ÇIXIŞI
Sumqayıt şəhər təhsil şöbəsinin müdiri VİDADİ BAĞIROV ölkəmizin ikinci sənaye şəhərinin çoxminli təhsil işçisi adından qurultay iştirakçılarını salamlayaraq bildirdi ki, son on ildə Prezident Heydər Əliyevin rəhbərliyi və qayğısı sayəsində təhsillə bağlı kifayət qədər işlər görülmüş, təhsilimizin əsas istiqamətləri müəyyənləşdirilmişdir. Bu müvəffəqiyyətləri, həyata keçirilən təhsil islahatının uğurlarını görməyən, yaxud görmək istəməyənlər bilməlidirlər ki, təhsil ümumxalq işidir və bu sahədə hər kəs öz köməyini əsirgəməməlidir. O, Sumqayıtda görülən işlər barədə ətraflı danışdı, bu il şəhər məktəblərinin 5 məzununun Prezident təqaüdünə layiq görüldüyünü xatırlatdı.
Bölmənin digər xəbərləri
