Sumqayıtda təşkil olunan qanvermə aksiyasında 200-dən çox könüllü iştirak etmişdir
Sumqayıt, 6 iyun ( AZƏRTAC). İyunun 6-da Sumqayıtda qanvermə aksiyası keçirilmişdir. Aksiya Səhiyyə Nazirliyinin tərtib etdiyi qrafikə uyğun olaraq, “Hemofiliya və talassemiyadan əziyyət çəkən uşaqlara qayğı” Dövlət Proqramının icrasına dəstək məqsədi ilə Sumqayıt şəhər səhiyyə şöbəsi tərəfindən təşkil olunmuşdur.
Şəhər səhiyyə şöbəsindən AZƏRTAC-a verilən məlumata görə, Sumqayıt Təcili Tibbi Yardım Xəstəxanasında keçirilən humanitar aksiyaya tibb müəssisələrinin əməkdaşları ilə yanaşı, ictimaiyyətin nümayəndələri də qoşulmuşlar.
Mərkəzi Qan Bankının xüsusi tibb briqadasının həkim-hemotoloqları donorların sağlamlıq vəziyyətini yoxlamışlar. Götürülən qan nümunələri laboratoriya müayinəsindən sonra irsi qan xəstələrinin müalicəsində istifadə olunacaqdır.
Qeyd edək ki, müxtəlif qan xəstəliklərindən əziyyət çəkən insanlara kömək məqsədi ilə keçirilən bu nəcib aksiyada 200-dən çox könüllü iştirak etmişdir.
Bölmənin digər xəbərləri
