Suriya ərazisində iki türk polisi şəhid olub
Ankara, 11 oktyabr, AZƏRTAC
Türkiyə təhlükəsizlik qüvvələrinin tərkibində Suriya ərazisində “Fərat qalxanı” antiterror rayonunda post-patrul xidmət aparan əməkdaşları PKK/PYD terrorçularının hücumuna məruz qalıb.
AZƏRTAC xəbər verir ki, bu barədə Türkiyənin rəsmi dairələrindən məlumat yayılıb. Bildirilir ki, Azez ilə Mare arasında post-patrul xidməti aparan Türkiyənin zirehli polis maşını terrorçular tərəfindən vurulub. Tel Rıfatdan açılan raket atəşi nəticədə iki xüsusi təyinatlı polis şəhid olub. Daha iki polis isə yaralı halda xəstəxanaya yerləşdirilib.
Türkiyə tərəfi “Fərat qalxanı” antiterror rayonunda təhlükəsizlik tədbirlərini gücləndirməyə başlayıb.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
