AZƏRTAC-ın müxbiri Ankaradan xəbər verir ki, Suriya və Türkiyə öz qaz kəməri strukturlarını birləşdirməyi qərara almışlar. Bununla əlaqədar Dəməşqdə Suriyanın neft və mineral ehtiyatlar naziri İbrahim əl-Həddad və Türkiyənin energetika və təbii qaynaqlar naziri Hilmi Gülər protokol imzalamışlar. Sənəddə Suriya qaz təchizatı şəbəkəsini Türkiyə şəbəkəsinə birləşdirmək nəzərdə tutulur.

Yaxın Şərq ölkələrindən qazın Suriya və Türkiyə əraziləri ilə Avropaya nəqli haqqında saziş də bağlanmışdır. Odur ki, Suriya və Türkiyənin milli neft şirkətləri bu layihənin həyata keçirilməsində sıx əməkdaşlıq edəcəklər.