Suriyadan repatriasiya olunanların hüquqlarının təmini vəziyyəti araşdırılıb
Bakı, 20 may, AZƏRTAC
Xəbər verildiyi kimi, cari il mayın 14-də 5-i uşaq və 3-ü qadın olmaqla, daha 8 Azərbaycan Respublikası vətəndaşının Suriya Ərəb Respublikasından ölkəmizə repatriasiyası həyata keçirilib.
Azərbaycan Respublikasının İnsan Hüquqları üzrə Müvəkkili (Ombudsman) Aparatının əməkdaşları tərəfindən Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin sosial xidmət müəssisəsinə yerləşdirilmiş həmin repatriantlarla görüş keçirilib, onların hüquqlarının təmini vəziyyəti yerində araşdırılıb.
Bu barədə AZƏRTAC-a Ombudsman Aparatından məlumat verilib.
Bildirilib ki, Aparatın nümayəndələri sosial xidmət müəssisəsi tərəfindən repatriantların reabilitasiyası üzrə görülmüş və aparılması nəzərdə tutulan işlər barədə məlumatlandırılıb.
Qeyd edilib ki, Suriyadakı vətəndaşlarımızın ölkəyə qaytarılması ilə bağlı ombudsmana ünvanlanan müraciətlər diqqətdə saxlanılır. Həmin şəxslərin hüquqlarının müdafiəsi istiqamətində zəruri tədbirlərin görülməsi məqsədilə səlahiyyətli dövlət qurumları ilə əlaqələndirilmiş şəkildə fəaliyyət davam etdirilir.
Bölmənin digər xəbərləri
