SXA-nın nümayəndə heyəti Ankarada keçirilən beynəlxalq tədbirdə iştirak edib
Bakı, 17 sentyabr, AZƏRTAC
Əmək və Əhalinin Sosial müdafiəsi Nazirliyinin tabeliyində Sosial Xidmətlər Agentliyinin (SXA) nümayəndə heyəti Ankarada "İslam Əməkdaşlıq Təşkilatına (İƏT) üzv ölkələrdə yoxsullar üçün sosial mənzil siyasətləri" mövzusunda İƏT-in Yoxsulluğun Azaldılması üzrə İşçi Qrupunun 25-ci iclasında iştirak edib.
Bu barədə AZƏRTAC-a agentliyin İctimaiyyətlə əlaqələr və kommunikasiya şöbəsindən məlumat verilib.
Bildirilib ki, SXA-nın İdarə Heyətinin sədrinin müavini Zaur İbrahimovun təmsil olunduğu nümayəndə heyəti yoxsullar üçün mənzil strategiyalarının cari vəziyyəti və əsas problemləri barədə müzakirələrin aparıldığı görüşlərə qatılıb.
Görüşlər zamanı İƏT-ə üzv ölkələr arasında əməkdaşlıq imkanlarının genişləndirilməsi və sosial mənzil proqramlarının effektivliyinin artırılması məqsədilə fikir mübadiləsi aparılıb.
Bölmənin digər xəbərləri
