TACİKİSTANDA QİYMƏTLƏR DURMADAN QALXIR
Tacikistan Dövlət Statistika Komitəsinin məlumatına görə, son bir neçə ay ərzində respublikada bütün tələbat mallarının və xidmətlərin qiyməti orta hesabla 15 faiz artmışdır. Unun qiyməti 39 faiz, çörəyin qiyməti 23 faiz qalxmışdır. Tacikistanda istehlak səbətinin 37,2 faizini isə məhz un məhsulları təşkil edir. Əgər respublikada əvvəllər aylıq maaşı 14 dollar olan şəxs hərdənbir ət ala bilirdisə, mal ətinin qiyməti 31 faiz artdıqdan sonra 1 kq ət, təxminən, 3 dollara başa gəlir.
İlin əvvəlindən elektrik enerjisi 3,2, təbii qazın qiyməti 2,2 dəfə artmışdır. Müstəqil ekspertlərin rəyinə görə, ilin axırında Tacikistanda daha böyük inflyasiya gözlənilir. Belə ki, yanacağın qiymətinin 2 dəfə artması bütün malların və xidmətlərin qiymətinin hədsiz qalxmasına səbəb olmuşdur.
Bölmənin digər xəbərləri
