Tarix Muzeyində Qarabağ qaziləri ilə görüş
Bakı, 29 yanvar, AZƏRTAC
İkinci Qarabağ müharibəsində Şuşa və Suqovuşan istiqamətindəki döyüşlərdə iştirak etmiş Tərlan Həsənov və Sadəddin Bayramov Milli Azərbaycan Tarixi Muzeyində olublar.
Muzeydən AZƏRTAC-a bildirilib ki, görüşdə qazilər hərbi döyüş yolu və təəssüratları haqqında məlumat veriblər. Muzeydə keçiriləcək “Anadır arzulara hər zaman Qarabağ!” sərgisi ilə əlaqədar müvafiq əşyalarını və təltiflərini bura təqdim edəcəklərini deyiblər.
Qeyd edək ki, Şəki rayonunun Baş Zəyzid kəndindən olan 23 yaşlı Tərlan Həsənov 8 döyüş yoldaşını xilas etdiyi üçün “Fəxri Fərman”la, Sadəddin Bayramov isə “Şuşanın azad olunmasına görə”, “Döyüşdə fərqlənməyə görə” medalları ilə təltif edilib.
Bölmənin digər xəbərləri
